O proxecto presentado pretende recuperar a mutatio de As Mourúas para incrementar notablemente o atractivo turístico dun monte con gran valor forestal e natural.

Co proxecto foméntase, do mesmo xeito, o valor educativo e científico do monte, contribuíndo a unha xestión máis sustentable do territorio e a unha valoración integral dos seus recursos. Tamén pode incidir na mellor conservación do entorno rural, pois aumenta o valor de recreo público do monte, incide no desenvolvemento da comarca e xera riqueza.

Dentro dunha zona de gran valor patrimonial marcada polo paso da Via Nova, preténdese crear un espazo arqueolóxico didáctico e interpretativo, exaltando os principais valores do legado arqueolóxico galaico-romano e da Via Nova.

Recuperarase/escavarase a mutatio de As Mourúas; e instalaranse paneis infomativos nos puntos acceso e sitio. O fin vai encamiñado á captación dun turismo que faga uso e disfrute dos valores ofertados polo entorno, repercutindo positivamente na economía local, sobre todo no sector hosteleiro e na restauración; contribuíndo en definitiva á mellora da calidade de vida da poboación.