Adquisición de material para a Banda de Gaiteiros de Vilar de Barrio
Proxectos Non Produtivos – Entidades Privadas
Expediente: L17-19.20- 10-0061
Promotor: Asociación Os Gaiteiros de Vilar de Barrio
Concello e Lugar: Vilar de Barrio
Puntuación: 46. Prioridade baixa
Orzamento Aceptado: 1.583,00 €
Porcentaxe axuda: 51,45%
Contía Axuda: 814,45 €
A Asociación de Gaiteiros de Vilar de Barrio busca coa compra do equipamento que o seu traballo sexa de mellor calidade. Queren adquirir un proxector, un equipo de son e estufas.
Sempre tiveron que pedir prestado tanto o equipo de son coma o proxector, por iso teñen esa necesidade de mercalo e telo dispoñible para cando sexa preciso.
Por outro lado, o local que a Asociación ten cedido está situado no colexio e as fins de semana, que é cando eles ensaian, a calefacción está apagada e por iso precisan estufas.
Traballo unido por Vilar de Barrio
A Asociación de Gaiteiros de Vilar de Barrio leva traballando dende os anos 90. Dedícanse principalmente a tocar a gaita, mais colaboran coa Asociación Xuvenil e coa Cultural para crear actividades e eventos para todos os públicos.
Na actualidade, traballan máis tempo no campo xuvenil para ofrecer actividades aos máis pequenos, sobre todo de cara ao verán. Coa Asociación Cultural realizan manualidades e outros exercicios para os máis maiores.
A realidade é que traballan conxuntamente, “todos con todos”, sinala Manuela, colaboradora da Asociación. É un lugar pequeno onde a colaboración é a que fai posible todos os proxectos.
Os materiais adquiridos – equipo de son, proxectos e estufas – mercáronse co obxectivo de usalos para as clases de gaita, pero deste modo téñenos á súa disposición para calquera evento que se queira celebrar.
Imaxes Proxecto Executado
