Limpadora de ángulos para Construcciones Metálicas Augusto Rodríguez
Proxectos Produtivos – Entidades Privadas
Expediente: L21-19.20- 10-0247
Promotor: Augusto Rodríguez Rodríguez
Concello e Lugar: Guntimil (Xinzo de Limia)
Puntuación: 46
Orzamento Aceptado: 32.000,00 €
Porcentaxe axuda: 40%
Contía Axuda: 12.800€
INCIDENCIA NO EMPREGO
Nº de UTAS Consolidados: 13,5
Nº de UTAS Xerados:
Adquisición de máquina limpadora de ángulos automática, que permite traballar sobre perfís de pvc soldados a 90 grados, tanto na fabricación de portas como de ventás.
Actualmente esta tarefa realízase manualmente para eliminar os restos de soldadura en ambos lados do perfil e nas esquinas interiores. Coa adquisición desta máquina prevese aforrar o tempo empregado nesa tarefa para aumentar a produtividade. Actualmente o traballador solda os perfís de pvc nunha máquina e despois manualmente limpa esas soldaduras.
Coa nova máquina o traballador soldará os perfís na máquina de soldar e despois trasladaraos a nova máquina para limpalos nun tempo moito menor. Non se aumenta nin reducen os medios humanos ao ser preciso igualmente unha persoa, pero afórrase en tempo na tarefa, aumentando a produtividade.
Melloras na fabricación de ventás de PVC
María Rodríguez é a filla de Augusto, xerente de Construcciones Metálicas Augusto Rodríguez.
Esta empresa dedícase á fabricación de carpintería metálica dende o ano 1981 aínda que foi no ano 1993 no que se consolidou como Sociedade Limitada. Traballan na elaboración e instalación de produtos de carpintería metálica con materiais como ferro, aceiro inoxidable, aluminio ou PVC.
Precisamente, solicitaron a axuda do GDR para adquirir unha limpadora de ángulos para as ventás e portas que fabrican neste material, en PVC. Deste xeito, explica María “van mellor rematadas”. Aumenta a produtividade reducíndose o tempo e tamén a calidade do produto entregado ao cliente.
Os seus clientes son principalmente da zona de Xinzo e Ourense.
