O Colmado Loxística Social – Posta en marcha dun proxecto social de servizo de compra a domicilio
Proxectos Produtivos
Expediente: L18-19.20- 10-0089
Promotor: O Colmado Loxística Social S.L.
Concello do investimento: Vilar de Santos
Puntuación: 81
Orzamento Aceptado: 30.773,50€
Porcentaxe axuda: 50%
Contía Axuda: 14.041,37€
INCIDENCIA NO EMPREGO
Nº de UTAS Totais a crear: 2
Nº de UTAS a crear pertencentes a colectivos desfavorecidos
Mulleres: 1
Proxecto de compra, preparación e rotulado dun vehículo industrial, así como o deseño dunha páxina web para a posta en marcha do Colmado Loxística Social, un proxecto social, en colaboración coa área comercial Eroski, que ofrece un servizo de entrega da compra a domicilio, encargándose de mercar e levar o pedido ás vivendas de todas as persoas que viven na comarca da Limia.
A compra en todas as casas da Limia
En febreiro de 2018 xurdiu na comarca da Limia o proxecto de emprendemento social O Colmado, un servizo de entrega da compra a domicilio en colaboración co supermercado Eroski.
Despois de vivir varios anos fóra, Bea e Blas asentáronse en Vilar de Santos, a súa vila natal, e adoptaron unha idea orixinal do rural castelán, que souberon trasladar á realidade galega e ás necesidades dos e das limiás para crear este negocio.
Diariamente, Bea e Blas achéganse ao Eroski Center de Xinzo de Limia coas listas da compra dos e das limiás para cargar a furgoneta e saír a facer o reparto entre as vivendas que solicitan os seus servizos. As rutas establecidas e organizadas por días da semana permítenlles levar a compra aos 11 concellos que conforman a comarca da Limia e ás súas respectivas aldeas. Desta forma, as vivendas reciben os seus pedidos da compra de forma semanal e O Colmado contribúe, por unha banda, a facer máis liviáns as atarefadas rutinas do día a día e, por outra, axuda ás persoas que teñen un difícil acceso á vila para facer a compra.
Unha idea que pretende reducir o despoboamento na comarca da Limia e ofrecer un servizo que mellore a calidade de vida dos seus habitantes.
