Recuperación dos elementos etnográficos de Bande
Proxectos Non Produtivos – Entidades Públicas
Expediente: L21-19.20- 10-0261
Promotor: Concello de Bande
Concello e Lugar: Bande
Puntuación: 59
Orzamento Aceptado: 35.000,00 €
Porcentaxe axuda: 77,78%
Contía Axuda: 27.223€
INCIDENCIA NO EMPREGO
Nº de UTAS Consolidados:
Nº de UTAS Xerados:
Recuperación do patrimonio existente no núcleo de Martiñán (Bande) o que axudará ao desenvolvemento de Bande. A recuperación deste legado cultural, incrementará notablemente o atractivo turístico. Tamén vai incidir na mellor conservación do entorno rural.
Esta actuación xerará unha conciencia na poboación de conservación e respecto polo entorno natural e patrimonial. Esta dirixido á poboación local e foránea que faga uso e desfrute dos valores ofertados polo entorno, repercutindo positivamente na economía local, sobre todo no sector hostaleiro e na restauración.
Protexer o que aporta valor
Sandra Quintas, alcaldesa de Bande, ten claro que no seu concello hai moito valor patrimonial que protexer e recuperar.
Teñen por exemplo, a Igrexa de Santa Comba ou o campamento romano Aquis Querquennis de alto valor, pero a decisión do concello tamén é aportar orzamento para aqueles que son máis pequenos pero tamén aportan valor.
“Queremos darlle significación ao rural”, sinala Sandra. Por iso, nesta ocasión recuperaron a fonte da parroquia de Martiñán, unha das máis usadas polos veciños e que tamén ten ao lado un Peto de Ánimas, que forma parte do roteiro. Nesta fonte tamén pasan máis sendeiros e era precisa a súa conservación.
En Bande teñen claro que queren seguir apostando e traballando nesta mesma liña para apostar polo rural e a conservación do patrimonio, como pode ser o forno dos veciños de A Granxa.
