Sabor da Aldea: maquinaria para a fábrica de embutido
Proxectos Produtivos – Entidades Privadas
Expediente: L18-19.20- 10-0110
Promotor: As Uces de Santa Baia SC
Concello e Lugar: Vilar de Santos
Puntuación: 74,5
Orzamento Aceptado: 31.084,72 €
Porcentaxe axuda: 50%
Contía Axuda: 15.542,36 €
INCIDENCIA NO EMPREGO
Nº de UTAS Consolidados: 2,51
Nº de UTAS Xerados: 0,5 Nº de UTAS pertencentes a colectivos desfavorecidos: mulleres, 0,5
No ano 2015 a entidade promotora inicia a actividade de elaboración de enchidos no semisoto propiedade das persoas socias da entidade.
A boa e propicia marcha da empresa permite a realización dunha ampliación do negocio. Para iso, pretenden acondicionar o acceso á sala, ampliar as instalacións e adquirir nova maquinaria e así, con isto, aumentar a produción e a produtividade.
Ampliarase a sala de fabricación de enchidos – que pasará de 31 metros cadrados a 61,60 metros cadrados – e o almacén.
Tamén se acondicionarán outras infraestruturas precisas para un maior e mellor desenvolvemento da actividade.
Chourizos caseiros da Limia para todo o mundo
Aldo Fernández é un rapaz que está a continuar co negocio da súa familia en Vilar de Santos, un supermercado do que é responsable o de que, dende hai uns anos, tamén comercializa chourizo da casa. Tamén teñen outro supermercado en Rairiz de Veiga.
A idea xurdiu atendendo ás necesidades dos veciños da zona, que se ían facendo cada vez máis maiores e non podían realizar a matanza, pero non querían renunciar ao sabor dos embutidos da casa.
El mesmo é o responsable de realizar os chourizos no seu obradoiro, que conta con cámara frigorífica, amasadora, picadora e embuchadora. Emprega carnes de máxima calidade que proceden de pequenas explotacións. Encárgase tamén de facer un correcto seleccionado da carne.
Comercialízanse nas súas tendas pero tamén a través da rede, na súa páxina web. O proxecto medrou tanto que agora traballa con preto de 6000 kilos de carne para elaborar os chourizos. Este embutido é o resultado dun modelo tradicional dende a cría ata a transformación da carne.
Actualmente, súa nai vende tamén mermeladas caseiras elaboradas con froitas de tempada, azucre e limón, que tamén se poden mercar nas tendas e na rede.
